По завршувањето на гласањето на локалните избори, Државната изборна комисија одржа прес-конференција на која ги соопшти неофицијалните резултати од изборниот процес.

Според податоците, досега се обработени 86,96% од избирачките места, а излезноста изнесува 48,46%.

Од Комисијата детално ги објавија бројките за секој кандидат за градоначалник, како и за сите кандидатски листи за советници поединечно.

ВМРО-ДПМНЕ убедливо води во најголем број општини низ земјава, следуваат СДСМ, Вреди и ДУИ со значително помала поддршка.

Неофицијални, ВМРО-ДПМНЕ и коалицијата што ја предводи се во убедливо водство во првиот круг од локалните избори, со предност во 54 општини низ државата.

Коалицијата Вреди засега води во осум општини, додека СДСМ е во водство во седум општини. Партијата ДУИ води во пет општини, а Демократската партија на Турците во една општина.