Заврши предистрагата за смртта на триесет и двегодишниот Ведат Адеми кој почина на 17 март 2025 година во болницата во Куманово, само еден час откако му била поставена венска линија за администрирање лек во кој имало аналгин. Во неговата медицинска историја имало податок дека додека се лекувал во Германија, пројавил реакција на лек аналгин, ама до тој податок немало потпис и печат од докторот. Тогашниот министер за здравство, Арбен Таравари, го разреши тогашниот директор на општата болница Куманово доктор Стефан Трајановски поради случајот.

Јавната обвинителка Теута Бедиу Рамадани денеска информираше дека предистрагата завршила.

Заврши предистражната постапка, направено е дополнително вештачење на Институтот за судска медицина, формиран е КО предмет против двајца доктори и една медицинска сестра и постапува јавниот обвинител Исак Сулејмани. Се истражува несовесно лекување болни со тешка последица смрт, рече таа. 

Трагедија во Куманово: Му вклучиле инфузија и за неколку секунди имал реакција, а за 1 час починал – ќе се испитува дали алергија на аналгин е причина за смртта на Ведат Адеми