ВИДЕО: Почина човекот кој се самозапали пред судот во Њујорк
Човекот кој се самозапали вчера пред судот во Њујорк, каде што се одржуваше кривичното судење на Доналд Трамп, почина, а официјални лица, сепак, изјавија дека се чини дека тој не го целел самиот поранешен претседател на САД.
Човекот неколку минути беше зафатен од пламен пред телевизиските камери поставени пред зградата на судот за да го следат судењето на Трамп – првиот поранешен претседател во историјата на САД на кој му се суди од кривичен суд.
Ен-Би-Си Њуз и други американски медиуми објавија рано денеска (по локално време) дека мажот починал. Њујоршката полиција соопшти, според NBC News, дека властите во болницата каде што бил однесен мажот констатирале смрт.
Официјални лица претходно рекоа дека мажот, во неговите доцни 40-ти, бил во критична состојба.
🚨BREAKING NOW – Man just set himself on fire outside of the Trump trial.
They were LIVE ON FOX NEWS!⚠️ WARNING GRAPHIC#PHPnews #JustJodie #TrumpTrial pic.twitter.com/RAySEpFrf5
— Just Jodie (@Just_Jodie7) April 19, 2024
Сведоците рекоа дека виделе како мажот извадил летоци од ранец и ги фрлал во воздух, а потоа се полил во течност и се запалил. Еден од тие летоци содржел референци за „злобните милијардери“, но пасусите што ги видел очевидец на Ројтерс не го спомнувале Трамп.
Њујоршката полиција соопшти дека мажот, идентификуван од властите како Макс Азарело од Сент Августин, Флорида, се чини дека не бил насочен кон Трамп или други вклучени во тужбата.
„Во моментов го окарактеризираме како некој вид теоретичар на заговори и одиме оттаму“, рече на прес-конференција Тарик Шепард, заменик полициски комесар.
Во онлајн манифест, човек со тоа име рече дека се самозапалува и им се извини на пријателите, очевидците и спасувачите. Објавата зборува за „апокалиптичен фашистички удар и ги критикува криптовалутите и американските политичари, без сепак конкретно да го издвои Трамп.
Oh my god. Someone set themselves on fire outside the courthouse where Trump’s trial is happening.
— Read Let This Radicalize You (@JoshuaPHilll) April 19, 2024
Мирисот на чад можел да се почувствува на местото на настанот набргу по инцидентот, според очевидец на Ројтерс, додека полицаец ја испрскал земјата со апарат за гаснење пожар. Во тоа време на местото на настанот имало ранец кој тлеел и запалка на гас.
Шокантниот инцидент се случи набргу по завршувањето на изборот на поротата за судењето на Трамп, отворајќи го патот за обвинителите и адвокатите на одбраната да продолжат со воведните аргументи следната недела.
Во овој случај, Трамп се изјасни за невин по сите 34 точки од обвинението за фалсификување документи за да ги сокрие парите што ги платил на поранешната порно ѕвезда Сторми Даниелс пред изборите.
