ВИДЕО | Павиќевиќ: Сојузот на средношколци мора да биде партиски независен

На Вториот конгрес на Сојузот на средношколци, Лука Павиќевиќ беше избран за нов претседател на Сојузот на средношколци со освоени 69 отсто од сите претставници што учествуваа на физичкото и онлајн гласање. Противкандидатот Емира Хусовиќ на гласањето освои 31 отсто од гласовите. Како избран претседател на Сојузот на средношколци, Павиќевиќ должноста ќе ја преземе на 10 јуни, кога ќе заврши вториот мандат на досегашниот претседател Бленди Ходаи.

„Клучната моја вредност како претседател на Сојузот ќе биде искрената верба дека средношколците се еднакви засегнати страни во сите процеси на одлучување поврзани со нив. Оваа премиса ќе биде изворот на сите иницијативи на Сојузот. Кога сме сплотени, нема нешто што не можеме да оствариме! Затоа, ве повикувам сите вас, да ми се придружите“, стоеше во неговата кандидатура.

„Патот кон остварувањето на средношколските права и учество во формирањето на образовните политики не е толку изводливо преку проекти и активности, туку повеќе се фокусира на градење на политики, односно давање предлози извештаи за некои конкретни проблеми. Во мојата програма јас и мојот тим нудевме 7 предлози, точки од кои две ги издвојуваме како најголем приоритет. Првата што мора да се реши е моделот на настава кој што учениците ќе го следат од септември, изјави за Утрински брифинг, Павиќевиќ.

-Нашиот став е дека е воведување на комбинирана настава како најдобро решение и тоа од два аспекти. Првиот е физичкото здравје на учениците и справување со пандемијата, додека вториот аспект што мора да го земеме предвид е квалитетот на наставата, социјализацијата и менталното здравје. Комбинираната настава овозможува двата аспекта да бидат испочитувани, вели Павичевиќ и додава дека овој период од три месеци мора максимално да се искористи за да се постават јасни протоколи со индикатори.

-Ако бројката е од 0-50 случаи во одреден град како ќе се следи наставата, или помалку или повеќе, односно да се има јасен дефиниран протокол, рамка која што училиштата ќе можат да ја следат, вели Павиќевиќ.

Целиот разговор погледнете го во видеото:

Видео на денот