ВИДЕО | Палестинските лекари: Израел намерно продолжува да лансира ракети во близина на болницата Ал Кудс за да не евакуира
Палестинската Црвена полумесечина денеска соопшти дека израелската војска бомбардирала неколкупати во близина на нивната болница во центарот на Газа, предизвикувајќи штета и ставајќи ги во опасност цивилите и пациентите.
#BREAKING| Israeli jets bombed a target in the vicinity of Al Quds Hospital in #Gaza, in which 14,000 displaced civilians are taking refuge. pic.twitter.com/v56gSHOnL0
— Quds News Network (@QudsNen) October 29, 2023
„Израелската Армија намерно продолжува да лансира ракети директно во близина на болницата Ал Кудс со цел да го принуди медицинскиот персонал, раселените лица и пациентите да ја евакуираат болницата“, се вели во соопштението на медицинската организација.
#BREAKING|The Palestinian Red Crescent says #Israel deliberately launched rockets near AlQuds hospital in #Gaza to force medical staff, displaced peopel, and patients to evacuate the hospital, causing severe damage to hospital departments and exposing everyone to suffocation. pic.twitter.com/IxRAVogW2U
— Quds News Network (@QudsNen) October 29, 2023
„Ова предизвика значителна штета на болничките одделенија и ги изложи жителите и пациентите на опасност“, се додава во соопштението.
Покрај пациентите, Црвената полумесечина соопшти дека 14 илјади луѓе, раселени поради војната, се засолнети во болницата.
Извештаите на палестинската Црвена полумесечина за заканите за евакуација на болницата Ал Кудс во Газа се длабоко загрижувачки, рече денес шефот на Светската здравствена организација (СЗО), Тедрос Гебрејесус, јави Анадолија.
„Повторуваме – невозможно е да се евакуираат болници полни со пациенти без да се загрозат нивните животи“, напиша Гебрејесус на X.
Претходно денеска организацијата соопшти дека примила телефонски повици од израелските сили со наредба да ја евакуираат болницата пред нападите.
