На меѓународен форум во Туркменистан, одржан по повод 30-годишнината од постојаната неутралност на земјата на 12 декември, пакистанскиот премиер Шехбаз Шариф требаше да се сретне со рускиот претседател Владимир Путин на маргините на настанот. Сепак, средбата доби неочекуван тек, пренесе „Ен-ди ТВ“.

Според видео, споделено на социјалните мрежи, Шариф влегол на состанок зад затворени врати меѓу Путин и турскиот претседател Реџеп Таип Ердоган, откако неговата закажана билатерална средба со рускиот лидер била одложена.

❗️The Moment PM Sharif Gate-crashed Putin’s Meeting With Erdogan After Waiting For 40 Mins https://t.co/r4L9XhA9IY pic.twitter.com/shi7YLMgmP

— RT_India (@RT_India_news) December 12, 2025

Откако чекал 40 минути во соседна просторија заедно со министерот за надворешни работи Ишак Дар, сè понестрпливиот Шариф решил да влезе во салата каде што Путин разговарал со турскиот претседател Реџеп Таип Ердоган, во надеж дека ќе обезбеди барем кратка средба.

Се наведува дека си заминал приближно 10 минути подоцна.

Моментот, снимен со камера, предизвика потсмев на интернет, при што корисници на социјалните мрежи го претставија како дипломатски гаф. Еден корисник на Икс напиша: „Путин не сака да губи време со питачи“, додека, пак, друг коментираше: „И Трамп го правеше истото со овие питачи“.

Самиот форум означи важна пресвртница за Туркменистан, чијашто официјално признаена постојана неутралност, едногласно поддржана од Генералното собрание на ОН на 12 декември 1995 година, ја обврзува земјата да остане надвор од воени сојузи, да избегнува вклучување во конфликти освен во самоодбрана и, воопшто, да забрани странски воени бази на својата територија.

❗️🇵🇰 PM Sharif Waited For Over 40 Minutes For President Putin Before Growing Tired And Gate-crashing Russian Leader’s Meeting With Erdogan – RT Correspondent

He left ten minutes later. pic.twitter.com/tgUdPHT4eh

— RT_India (@RT_India_news) December 12, 2025