Иако беше напорен и тежок период, се групираа, се собира, разни коалици правеа – дел јавни, а дел тајни, покажавме дека Скопје е вистински обединето и сите заедно денеска ги поразивме на куп, изјави новоизбраниот градоначалник на Град Скопје од редовите на ВМРО-ДПМНЕ, Орце Ѓорѓиевски.

– Сакам да му се заблагодарам на претседателот на партијата Христијан Мицкоски, на моите родители, како и на мојата сопруга за целата нивна поддршка во изминатиот период, бидејќи знам дека воопшто не беше едноставно. Имаше многу ниски удари, но јас едно ќе кажам: нека им е простено од мене, а Бог си знае што ќе прави со нив. Ниту еден од вас нема да го засрамам во наредните 4 години. На Скопје ќе му понудиме нов лик и многу работа – изјави Ѓорѓиевски.