ВИДЕО | Објавени први снимки по масакрот во Канада: Градот е под опсада, училиштата ќе бидат затворени до крајот на неделата
Објавени се првите видеозаписи од местото на ужасната пукотница што го потресе малото гратче Тамблер Риџ во североисточната канадска покраина Британска Колумбија. Десет лица, вклучувајќи го и осомничениот напаѓач, беа убиени во масакрот, додека 25 други беа повредени, соопшти канадската полиција.
Препорачано
Според официјалните информации, шест лица биле пронајдени мртви во средното училиште „Тамблер Риџ“. Уште две лица биле убиени во куќа за која се верува дека е поврзана со нападот, додека едно лице починало на пат кон болница, пренесува Нова.рс.
Осомничената напаѓачка била пронајдена мртва, а полицијата вели дека се чини дека таа самата си нанела смртоносна повреда. Истражителите рекоа дека нема индикации дека има дополнителни осомничени или дека постои дополнителна опасност за јавноста.
🚨 NEW 🚨
I’ve obtained exclusive footage captured by locals in Tumbler Ridge.
Truly harrowing scenes…
— Jarryd Jäger (@JarrydJaeger) February 11, 2026
Во итно предупредување испратено на мобилните телефони на граѓаните за време на нападот, напаѓачката била опишана како „жена со кафеава коса облечена во фустан“.
Детали за училиштето каде што се случила пукотницата
Средното училиште „Тамблер Риџ“, каде што се случила пукотницата, се наоѓа во истоимениот град, кој според пописот од 2021 година има население од околу 2.400 жители.
Според училишниот округ на Британска Колумбија, станува збор за државно училиште со околу 175 ученици, од седмо до дванаесетто одделение. Децата за кои станува збор се на возраст меѓу 12 и 18 години.
Предупредувањето што беше на сила во средното и основното училиште беше укинато во 18:45 часот по локално време (1:45 часот по Гринич), со што се прекина блокадата воведена за време на нападот. Двете образовни институции ќе останат затворени до крајот на неделата, а идентитетите на жртвите сè уште не се објавени.
ВИДЕО | Десетина загинати и над 25 повредени во пукање во средно училиште во Канада
Масакр во мал планински град
Тамблер Риџ е оддалечен град кој се наоѓа околу 950 километри северно од Ванкувер, во подножјето на Карпестите Планини. Опкружен е со огромни планински венци и геопарк кој е признаен од УНЕСКО како место на светското геолошко наследство.
Трагедијата што ја погоди оваа мала заедница ја остави земјата во шок, а истрагата за мотивите за нападот е во тек.
