Регионалните музички ѕвезди Жељко Јоксимовиќ и Светлана Ражнатовиќ – Цеца ги здружија силите и вредно работеа на нивната дуетска песна „Više od sreće“, која денеска беше објавена на Јутјуб и на сите останати музички платформи.

Како што пишуваат српските медиуми, Јоксимовиќ и Ражнатовиќ со месеци работеле на секој детаљ и се погрижиле песната да биде совршена. Тие вложиле многу труд за овој проект – од компонирање на музиката и пишување на текстот, па сè до студиското снимање и продукцијата на песната.

Текстот и музиката ги напиша Милош Рогановиќ, а аранжманот и продукцијата се дело на Јоксимовиќ.

„Работата на оваа песна беше исклучително инспиративна. Цеца е неверојатен професионалец и исклучително талентиран уметник. Нашата соработка се одвиваше во прекрасна атмосфера и мислам дека успеавме да создадеме нешто посебно“, изјави Јоксимовиќ.

Од друга страна, Цеца истакна колку ѝ значи оваа соработка.

„Жељко е мултиталентиран музичар. Перфекционист, одличен пејач, комплетен уметник. Работата со него беше големо задоволство. ‘Više od sreće’ е песна која носи силна емоција и верувам дека публиката ќе ја препознае и ќе ја засака“, изјави Цеца.

Комбинацијата на препознатливиот мелодиски стил на Јоксимовиќ и силната вокална интерпретација на Ражнатовиќ сигурно ќе ги освои срцата на слушателите, па се очекува дека нивната дуетска песна ќе биде голем летен хит.

ФОТО | Цеца ги засени сите со бујното деколте: Пејачката само со градник под палтото, а во рацете детаљ од 4.200 евра