Одличниот српски кошаркар Никола Јокиќ продолжува да ги поместува границите во најсилната лига на светот, НБА.

Изминатата ноќ Денвер на домашен терен убедливо го совлада Сакраменто (117:96), а Јокиќ запиша нов „трипл-дабл“ учинок од 14 поени, 14 скокови и 11 асистенции.

Колку е доминантен играчот на Нагетси по Ол-стар паузата најдобро говори податокот дека на последните четири натпревари успеа да забележи „трипл-дабл“ пред крајот на третиот период, што е едноставно неверојатно.

Во последните шест дена неговиот тим имаше максимален учинок од 4/4, а Јокиќ забележа вкупно – 96 поени, 64 скока и 56 асистенции. Што значи дека имал просек од 26 поени, 16 скока и 14 асистенции.

Против „Кралевите“ го оствари својот 19 „трипл-дабл“ сезонава, а забележа дури 11 пред крајот на третата четвртина.

НБА лига, резултати –

Индијана – Њу Орлеанс 123:114
Торонто – Далас 125:136
Чикаго – Кливленд 132:123 (по 2 продолженија)
Минесота – Мемфис 110:101
Денвер – Сакраменто 117:96
ЛА Клиперс – ЛА Лејкерс 112:116