Актерот Расел Кроу имаше напната средба со обожаватели и ловци на автограми пред хотел во Париз, а видеото брзо се прошири на социјалните мрежи.

Ѕвездата од филмот „Гладијатор“ (Gladiator) бил снимен додека излегувал од хотелот и се упатувал кон аеродромот, кога бил опколен од луѓе кои барале да се фотографираат со него и да добијат потписи.

„Ме слушате ли? Стојте каде што сте, не ме туркајте и ќе дојдам до вас. Дајте им простор на сите. Штом некој ќе стане идиот, си одам. Јасно?“, им порачал актерот.

Кроу потпишувал фотографии од „Гладијатор“, а во еден момент обожавател побарал покрај автограмот да го напише и името Максимус, по ликот што го толкуваше во филмот.

„Не“, кратко одговорил актерот и продолжил кон другите фанови.

If you needed a reminder that fans are not always priority No. 1 — turn to Russell Crowe — cause the guy was absolutely not having it outside of his Paris hotel.

🎥 Backgrid pic.twitter.com/yCCErNOBQN

— TMZ (@TMZ) May 25, 2026

Порталот Ти-ем-зи го објави видеото со коментар дека актерот „не бил расположен“ за обожавателите, но Кроу возврати преку Икс.

„Кликбејт. Сите добија автограм и фотографија со мене, преминот до хотелот остана слободен за гостите, а јас сепак стигнав навреме на аеродром. Еден човек, без обезбедување. Завршена работа. Во што е проблемот?“, напиша актерот.

Clickbait. Everybody got their autograph and selfie, the passage to the hotel was kept free for guests, and I still got to the airport on time. One man, no security. Handled. What’s your problem ? https://t.co/Yxo2BIFSe9

— Russell Crowe (@russellcrowe) May 26, 2026

Расел Кроу откри дека нема план да се ожени со својата партнерка: „Еднаш беше доволно…“