Не издржа српскиот бедем и вечерва Бразил славеше победа со 2:0 во натпреварот од првото коло на Мундијалот во Катар.

Селекторот Драган Стојковиќ-Пикси се одлучи да стартува претпазливо и со само Митровиќ во нападот, Влаховиќ остана на клупата за резерви. Доминираа Бразилците од самиот почеток на натпреварот се редеа шанси пред голот на Вања Милинковиќ-Савиќ. Сепак, српската одбрана издржуваше и по 45 минути на пауза се замина со 0:0.

Фудбалерот на Јувентус, Aлекс Сандро во 60. минута со силен удар од далечина ја погоди стативата од голот на Србија. Сликата на теренот не се менуваше, Бразил продолжуваше да доминира, Србија ретко излегуваше на противничката половина. Алисон на голот на Бразил скоро и да немаше работа во текот на комплетните 90 минути.

Одбраната на Србија попушти во две минути по таа статива на Сандро, па Ришарлисон го пронајде патот до мрежата. По овој гол на Бразил, Србија мораше да се отвори, па така за Бразил се отвори уште поголем простор на противничката половина. Десет минути по првиот, Ришарлисон го постигна вториот гол, кој е и најубавиот досега на Светското првенство.

WHAT A GOAL — RICHARLISON pic.twitter.com/hZCaDcUVHk

— Thierry Nyann 🇬🇭 (@nyannthierry) November 24, 2022

Бразил со овој триумф доаѓа во одличната позиција пред продолжение од групата, додека Србија ќе мора да бара бодови против Камерун и Швајцарија.