Статуата на Дарт Вејдер беше изложена на Емпајер Стејт Билдинг во знак на почит на починатиот актер Џејмс Ерл Џонс, кој му го позајми гласот на ликот од „Војна на ѕвездите“.

„Силата нека биде со тебе, ЏЕЈ“, објавија на официјалните профили на Емпајер Стејт Билдинг со видео од тој момент. Додека Дарт Вејдер беше проектиран на легендарната њујоршка зграда, во позадина свиреше музика од „Војна на ѕвездите“.

May the Force be with you J. E. J. pic.twitter.com/gTYMpJizey

— Empire State Building (@EmpireStateBldg) September 10, 2024

Иако под маската на Дарт Вејдер беше британскиот актер Дејвид Проуз, Џејмс Ерл Џонс беше одговорен за незаборавниот заканувачки глас со кој изговори некои од репликите кои влегоа во филмската историја, како: „Лук, јас сум твојот татко“.

Џејмс Ерл Џонс првпат му го позајми гласот на Дарт Вејдер во оригиналниот „Војна на ѕвездите: нова надеж“ (1977). Неговиот глас стана клучен дел од ликот на Вејдер, внесувајќи доза на авторитет, сила и свежина. После тоа, тој му го позајми гласот на Вејдер во продолженијата „Revenge of the Sith“ (2005), „Rogue One: A Star Wars Story“ (2016) и во анимираната серија „The Clone Wars“.

Дарт Вејдер е еден од најпрепознатливите негативци во филмската историја, а за тоа многу придонесе гласот на Џонс.

Актерот почина во својот дом на 93 годишна возраст.