Македонскиот саксофонист Горан Папаз и неговата сопруга Наташа минатата година станаа горди родители на три бебиња. Оттогаш тие често објавуваат приватни моменти од нивните дечиња – Лена, Луна и Лазар.

Во последното видео кое музичарот го објави на социјалните мрежи, во фокусот се најде малата Луна, која му се смешкаше на својот татко, додека тој си играше со нејзините образи.

Во шарени пижами и големи сини очи кои светат од љубопитност, Луна е вистинска мала ѕвезда во видеото.

„На денешното мени, Лунин образ“, напиша музичарот покрај видеото.

Оваа глетка разнежни многумина кои не останаа рамнодушни на слатката насмевка на Луна.

Да потсетиме, славниот музичар, кој на јавноста ѝ стана познат по ангажманот во групата „Суперхикс“, ја објави среќната вест дека ќе стане татко во август минатата година и ги покажа фотографиите од ултразвукот. Во декември минатата година неговата сопруга Наташа се породи и на свет ги донесе Лена, Луна и Лазар. Инаку, музичарот веќе има еден син од претходниот брак, Дамиан.

МАМАВИЗИЈА | Тројката ја родив на истиот ден по три години откако ме запроси Папаз, вели Атанасовска