Потребно е да има еколошки такси/еколошки данок. Во таа смисла и ова дополнително воведување што би означувало дополнителен данок на горивата, бензин, дизел – фосилни горива, а целта на „зелените“ и генерално на целата ЕУ е да се напушти користењето на фосилните горива, како јаглен или нафта, а да се преминува на користење на обновливи извори на енергија, пред се сонце и ветер. Тоа е целта која треба да се постигне, изјави во Утрински брифинг претседателката на ДОМ и пратеничка во Собранието на Македонија, Маја Морачанин.

– Мора да се обрне внимание на социјалниот аспект, да не биде удар само врз граѓаните, туку основниот принцип во овие промени е загадувачот плкаќа. Значи оние кои најмногу загадуваат тие мора да понесат и најголем терет во промените.

Со години наназад бараме воведување на Фонд за животна средина. Не е само таксата од горивата. Има многу основи кои се оданочуваат точно заради заштита на животната средина, како некој вид на еколошки данок, но тие потоа одат во заедно во Буџетот и потоа немаме претстава за што се трошат и каде се трошат, како и дали намената со која се собирани потоа е истата и за трошење.

Затоа мора да се обезбеди да се формира таков фонд каде ќе се собираат сите овие средства кои се однесуваат за животна средина. Пологично е прво да се направи Фондот и до сега тоа требаше да се направи, додава Морачанин.