ВИДЕО | Момент на ужас на плажа во Аргентина – морето се повлече, па проголта сè пред себе
Редок и исклучително опасен метеоролошки феномен ја погоди аргентинската обала без никакво предупредување, претворајќи мирен ден на плажа во сцени на паника и хаос. Брановите ненадејно надојдоа, однесоа човечки живот и повредија десетици луѓе, додека спасувачите се бореа со стихијата.
Едно лице загина, а десетици се повредени откако феноменот познат како метеоцунами (метеоролошко цунами) ја погоди плажата во аргентинскиот крајбрежен град Санта Клара дел Мар, објави „Weather“.
Препорачано
Снимките прикажуваат капачи како бегаат пред брановите кои ненадејно го преплавиле брегот.
Загинал 29-годишниот Жаир Амир Мано Нуњез, кој бил на одмор со својата девојка. Тој се наоѓал на лагуната во Мар Чикита кога бран го повлекол во морето. Според првичните извештаи, тој удрил со главата во карпите, што предизвикало губење на свеста и давење.
Според локалните медиуми, најмалку 35 лица се повредени, а еден маж доживеал срцев удар откако водата го повлекла. Очевидци опишувале хаос на плажата, каде што силните бранови носеле торби, чадори и лежалки, а капачите си помагале меѓусебно за да не ги однесе струјата.
Иако снимките не го забележале главниот удар, сведоци изјавиле дека брановите биле високи и до девет метри.
– Се создаде црн вртлог, никогаш не сум видел нешто слично – изјавил еден од спасувачите.
Други се присетиле како морето необично се повлекло само неколку моменти пред огромен бран да удри во брегот.
Властите веруваат дека смртоносниот бран бил метеоцунами, феномен кој настанува поради нагли промени на атмосферскиот притисок.
– Тоа е непредвидлив настан, не знаеме дали ќе се повтори – изјави Фабијан Гарсија, началник на Цивилната заштита за провинцијата Буенос Ајрес.
Претседателот на синдикатот на спасувачите, Науел Нардоне, изјави дека брановите достигнале „незамисливи височини“ и ја нарече појавата вид „мини цунами“ кое не е предизвикано од земјотрес, туку од метеоролошки услови.
Meteotsunami (Tsunami) afectó a Mar Chiquita, Mar del Plata, Clemente y otras playas de la Costa Atlántica. Hay un turista de 33 años muerto y una persona internada tras sufrir un infarto. Hay 35 heridos leves. #Urgente #Urgente #MeteoTsunami #Tsunami pic.twitter.com/nVKRQJkSwl
— Nicolás Padovan (@_Nico_Padovan) January 13, 2026
По настанот, наредена е превентивна евакуација на сите плажи во тој регион. Необично однесување на морето е забележано во повеќе градови, вклучувајќи ги Мар Чикита, Санта Клара дел Мар и Мар дел Плата, каде што спасувачите исто така морале да интервенираат откако нивото на водата за неколку секунди се искачило од половината до вратот.
Што е метеоролошко цунами
За разлика од класичните цунамија, метеоцунамијата не настануваат поради земјотреси, туку поради атмосферски нарушувања кои се развиваат на мали просторни и временски размери и преку резонанца ја пренесуваат енергијата на брановите.
Резонанцата настанува кога брзината на нарушувањето, проследена со нагли скокови на воздушниот притисок (до 10 hPa за 10 минути) и налети на ветер (до 20 m/s), се приближува до брзината на брановите во плитко море.
Кај брановите во плитко море е зафатен целиот воден столб, а нивната брзина зависи од длабочината – побрзи се во подлабоко, а побавни во поплитко море. При приближување кон брегот и поради резонанца во рамките на пристаништа и заливи, осцилациите можат да се зголемат и до 10 пати.
Una persona murió y más de 30 resultaron heridas este lunes al producirse un fenómeno denominado #Meteotsunami en la costa atlántica argentina.
El incidente afectó a distintas ciudades balnearias del país sudamericano, entre ellas Mar del Plata, Santa Clara del Mar y Mar… pic.twitter.com/i5wwAxAJ6X
— David de la Paz 戴维 (@daviddelapaz) January 13, 2026
