Репрезентацијата на Хрватска синоќа не успеа да се пласира во големото финале на Светското првенство во Катар. Аргентинците предводени од капитенот Лионел Меси убедливо стигнаа до победа против немоќните Хрвати.

Со оваа победа Меси ќе игра на второто финале на Светско првенство во својата кариера. Легендарниот фудбалер синоќа влезе во историјата како играч со најмногу постигнати погодоци на светските првенства за репрезентацијата на Аргентина.

Хрватите во сабота ќе играат против поразениот од вечерашниот дуел меѓу Мароко и Франција, за третиот бронзен медал.

Најголемото изненадување на првенството, екипата на Мароко ќе се обиде повторно да ги расипе плановите на фаворизираниот противник, кој ја победи Англија во претходното коло.

Финалето се игра во недела во 20 часот.