ВИДЕО: Милијардерот Ричард Бренсон полета во вселената и успешно се врати на Земјата

Британскиот претприемач Сер Ричард Бренсон полета во вселената. Милијардерот порано рече дека сака да го процени искуството пред да им го овозможи на другите, односно на клиентите кои плаќаат за да отпатуваат во вселената, следната година.

Бенсон досегна до работ на вселената. Тој полета во ракетен авион и за час и половина ја достигна висината што ја одделува Земјата од вселената, а синото небо се заменува со црната вселена.

Ракетата на неговата „Вирџин галактика“, во мисијата од час и половина, требаше да тргне над Ново Мексико околу 8:30 часот по локално време. Сепак, поради лошите временски услови, летот беше накратко одложен.

На висина од околу 90 километри, тој и членовите на екипажот поминаа неколку минути во бестежинска состојба. Потоа се вратија на Земјата, на истата писта од која тргнаа.

POLETEO! Milijarder Brenson na putu da ostvari dečački san: Poleteo u svemir VIDEO
Фото: Принтскрин/Јутјуб

Милијардерот испиша историја. Летот на Бренсон е пионерски и тој ја претстави оваа мисија пред јавноста како претходник на новата ера на вселенскиот туризам.

Бренсон во видео обраќање од вселената порача дека му се остварил животниот сон и дека ова е историски ден за човештвото.

На Бренсон му требаше долго време за да дојде до оваа фаза.

Тој во 2004 година првпат откри дека има намера да конструира ракетен авион. Тогаш процени дека овие летови може да станат комерцијални до 2007 година.

Сепак, поради технички проблеми, како и фаталната несреќа на развојниот лет од 2014 година, овој проект стана еден од најголемите предизвици во кариерата на Бренсон.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот