Фудбалерите на Милан денеска го победија составот на Кремонезе со 2:0 (0:0) во натпреварот од 27 коло од Серија А во Кремона.

Головите за Милан ги постигнаа српскиот фудбалер Страхиња Павловиќ во 90 минута и Рафаел Леао во судиското надополнување (90+4`).

Моментно е на второто место на табелата во италијанското првенство со 57 бода, додека Кремонезе е на 17 место со 24.

Во следното коло Милан на 8 март го очекува градското дерби против водечкиот во генералниот пласман Интер (67).

Кремонезе истиот ден ќе му гостува на тимот на Лече кој исто така се бори за опстанок во елитата.