Млад човек со својот џип удрил во десетици полицајци од округот Лос Анџелес, јавија американските медиуми. Од полицијата соопштија дека тој е уапсен за обид за убиство.

22-годишниот Николас Џозеф Гутиерез, жител на Дајмонд Бар, е обвинет за обид за убиство на полицајци, но се очекува обвинението да се прошири.

Според шерифот на округот Лос Анџелес, Алекс Вилануева , истражителите имаат основано сомневање врз основа на доказите дека инцидентот бил намерен и дека 22-годишниот возач едноставно не ја изгубил контролата над возилото.

Во исто време, видео снимки од безбедносните камери го покажуваат моментот кога возилото удира во групата полицајци.

25 law enforcement recruits out jogging in Los Angeles County this morning were run over Darrel Brooks-style by a speeding vehicle. A suspect name has not yet been released. pic.twitter.com/PiFrshxQsb

— Andy Ngô 🏳️‍🌈 (@MrAndyNgo) November 17, 2022

Групата полицајци, главно нови регрути во канцеларијата на шерифот на округот Лос Анџелес, биле на утринско трчање кога мажот, кој патувал од спротивна насока, удрил во нив. Повредени се 25 полицајци, од кои петмина се во критична состојба.

Cellphone video shows the scene after a Honda CRV plowed into a large group of Los Angeles County sheriff’s recruits during a training run in Whittier.

Read the latest: https://t.co/3sgcLabmTo pic.twitter.com/C0Ch7xI8YV

— Los Angeles Times (@latimes) November 16, 2022

Потврдено е дека возачот, кој е уапсен на лице место, не бил под дејство на алкохол, објасни Вилануева. Сепак, според полициски извори кои разговарале за Лос Анџелес Тајмс, тој им рекол на полицајците дека „заспал“ на воланот.