Манчестер сити запиша сигурна победа од 3-0 против Кристал палас и остана во трката за шампионската титула во Премиер лигата.

Тренерот Пеп Гвардиола направи неколку промени во стартниот состав, а Ерлинг Халанд целиот натпревар го започна од клупата за резерви. „Граѓаните“ поведоа во 32. минута кога Антоан Семењо ја затресе мрежата по асистенција на Фил Фоден за 1-0. Само осум минути подоцна Фоден повторно се најде во улога на асистент, овојпат додавајќи до Омар Мармуш, кој ја удвои предноста на Сити.

Со оглед на сигурното водство и добрата игра на неговиот тим, Гвардиола немаше потреба да го внесе Халанд во игра. Конечните 3-0 ги постави Савињо во 84. минута од натпреварот.

Манчестер сити со овој триумф и дополнително ја подобри гол-разликата и сега има еден погодок подобар скор од Арсенал, иако тимот од Манчестер има два бода помалку. До крајот на сезоната остануваат уште две кола.