Манчестер сити запиша убедлива победа од 3-0 против Брентфорд и остана во трката за шампионската титула во Премиер лигата, продолжувајќи да врши притисок врз лидерот Арсенал.

Гостите од Брентфорд долго време успешно му парираа на актуелниот шампион и речиси еден час ја одржуваа резултатската неизвесност. Сепак, отпорот беше скршен во 60. минута кога Жереми Доку ја затресе мрежата за водство на „граѓаните“ од 1-0.

По отворањето на резултатот, избраниците на Пеп Гвардиола заиграа далеку посигурно и создадоа повеќе простор во нападот, што донесе и втор погодок. Ерлинг Халанд во 75. минута зголеми на 2-0 и практично го реши победникот.

Во судиското продолжение Мармуш стави точка на натпреварот, поставувајќи ги конечните 3-0.

По 35 одиграни кола, Арсенал и натаму е на врвот со два бода предност во однос на Манчестер Сити, а има и подобра гол-разлика за еден погодок.