Се одиграа пет натпревари од 20 коло во Бундес лигата, фудбалерите на Баерн Минхен со 3:1 триумфираа против Борусија Менхенгладбах.

Гостите поведоа во 35 минута со голот на Елведи, а домаќините израмнија непосредно пред пзауата преку Павловиќ.

Во второто полувреме Кејн донесе предност за баварскиот гигант во 70 минута, а конечниот епилог го постави де Лихт во 86 минута.

На табелата Баерн е второпласиран со 50 бодови, додека Борусија Менхенгладбах е на 13 позиција со 21.

Баер Леверкузен со головите на Телла во 33 и 52 минута славеше на гостувањето кај Дармштад.

Леверкузен е на првото место со 52 бодови, додека Дармштад после 13 пораз е на последното 18 место со 11.

Во останатите три бундеслигашки мечеви: Бохум – Аугсбург 1:1, Фрајбург – Штутгарт 1:3, Мајнц – Вердер Бремен 0:1.