Канадските музички награди Џуно беа доделени во понеделникот, а пејачката Аврил Лавињ беше добитничка на наградата за омилен изведувач на публиката, пишува „Би-би-си“.

Сепак, тоа што привлече вниманиетo беше активистката за заштита на животната средина, која се качи на сцената и протестираше топлес против новиот станбен план на владата на премиерот Џастин Трудо во Онтарио за изградба на домови на заштитено земјиште.

 

View this post on Instagram

 

A post shared by Avril Lavigne my religition 🤟🛐 (@avril_punk_princess)

Имено, додека пејачката го најавуваше раперот Еј-пи Дилон, зад Лавињ се појави полугола жена која на грбот имаше испишано порака: „Спасете го зелениот појас“. Според реакциите на публиката, но и на самата пејачка, никому не му беше јасно како активистката успеала да се качи на сцената.

Како што пишуваат светските медиуми, Лавињ кратко ѝ рекла: „Кучко, тргни се“, а самиот инцидент го искоментира нешто подоцна, кога ѝ беше доделена наградата за омилен изведувач на публиката. „Овој пат никој ништо да не прави. Канаѓанката во мене ќе се разбуди и ќе ја истепам таа кучка“, се пошегува Лавињ кога ја прими статуетката.

Водителот на настанот, актерот Симу Лиу го заврши доделувањето на наградите со кратко извинување; „Простете за градите“.