Убиството во атинската населба Неос Космос ја шокираше јавноста. Вчера околу 17 часот имало вербален конфликт на улицата, а потоа и брутално претепување на 58-годишен маж, кој починал од повредите во болница, објави Прототема.гр.

Сторителот, 29-годишен маж од албанско потекло, се изјаснил за виновен, а полицијата го уапсила и неговиот татко за обид за прикривање докази.

На сослушувањето, младиот човек рекол дека го зел мотоциклот околу 17 часот и дека еден човек му го блокирал патот кога се приближувал кон теретаната. Потоа 29-годишникот отишол да го праша зошто го блокирал, а човекот, според него, го испрскал со бибер спреј и продолжил да вози.

Младиот човек тргнал по него и го следел сè додека не го запрел автомобилот, а потоа го претепал до смрт. Еден од сведоците рече дека станувало збор за вистинска „брканица“.

„Видов автомобил како поминува, а мотоциклите го бркаа. Не застанаа на знакот „стоп“. Прво помислив дека полицијата брка некого“, изјавил сведок за локалните медиуми.

Според него, автомобилот на жртвата завршил во ќорсокак, тој бил извлечен од автомобилот и претепан до смрт.

Полицијата го уапсила и таткото на 29-годишното момче, кој се обидел да го скрие мотоциклот на својот син за време на претресот на куќата.