Безбедносна камера во продавница за накит во Јужна Калифорнија го снимила моментот кога крадци провалиле во продавницата со теренско возило во петокот попладне, пренесува Фокс њуз.

Видеото првично ги прикажува крадците како го возат својот автомобил во влезот на продавницата.

На следното видео од она што се случи напладне минатиот петок, се гледа како крадците ги празнат витрините на златарницата со нивниот плен проценет на милион долари.

Сопственикот на бизнисот го опиша моментот како „најстрашната работа во мојот живот“.

По грабежот, сторителите го напуштиле теренецот и избегале со два автомобили „доџ чарџери“.

Сепак, подоцна биле вклучени во две сообраќајни несреќи, што резултирало со апсење на сите осуммина – вклучувајќи и еден малолетник.