29-годишниот НБА кошаркар од редовите на Лејкерс, Денис Шрудер по синоќешниот меч во кој неговиот тим славеше со 113:104 против Сан Антонио се соочил со непријатна ситуација.

Имено, Шурдер бил запрен и опколен од 20-тина полициски возила, а набрзо полицајците му ставиле и лисици на рацете. Полицијата се сомневала дека неговото возило било украдено.

Медиумите пишуваат дека веднаш штом бил запрен, Шрудер се јавил кај неговата девојка да дојде и да го снима случајот за да има докази ако му се случи нешто непредвидливо. Шрудер во возилото бил со негов пријател, кој возел.

„Не знаев што се случува. Бев опколен од 20-30 полициски автомобили. Како да апcaт некој голем криминалец. Такво нешто претходно имав видено само на филм“, изјави Шрудер за новинарите.