ВИДЕО | Комо слави историски пласман во Лигата на шампионите
Турбулентниот исход од трката за Лигата на шампионите во последното коло од Серија А го донесе најголемиот победник – Комо оди во Лигата на шампионите.
Препорачано
Фудбалерите предводени од тренерот Сеск Фабрегас ја крунисаа фантастичната сезона со победа од 4:1 над Кремонезе на гости, патем исфрлајќи го денешниот ривал од лигата, но што е уште поважно – ја завршија сезоната на четвртото место и ќе играат во елитното европско клупско натпреварување следната сезона.
Иако беа меѓу фаворитите, Милан и Јувентус останаа без учество во ЛШ, па ќе мора да се задоволат со настап во Лигата на Европа.
Милан беше изненадувачки поразен дома од Каљари со 2:1, иако водеше со голот на Салејмејкерс. Пресврт на гостите го направија Борели и Родригез. Натпреварот помеѓу Торино и Јувентус започна со еден час доцнење поради немири на навивачите, гостите водеа на полувреме со голот на Душан Влаховиќ, но дури и да победеа, немаше да вреди – ги загубија и математичките шанси да обезбедат едно од четирите места.
COMO IS IN CHAMPIONS LEAGUE FOR THE FIRST TIME EVER!!!!!!!!!!!!!! pic.twitter.com/R91ELn1uyu
— Como1907 (@Como_1907) May 24, 2026
Покрај Интер, Наполи и Комо, Италија следната сезона во најсилното натпреварување ќе ја претставува Рома, за која ова е враќање во ЛШ.
Фудбалерите на Џанпјер Гасперини славеа против претпоследниот тим на табелата, Верона, и тоа го направија рутински – славеа со 2:0 со головите на Дониел Мален и Стефан Ел Шарави. Тоа беше последниот гол за „фараонот“ во дресот на „волчицата“, откако неодамна го објави своето заминување по речиси една деценија во клубот.
