Јанко Пенафорт, професионален музичар и пејач од Богота, Колумбија и вљубеник во нашата музика и култура, ги изненади православните верници во Македонија за големиот празник – Божиќ.

Јанко заедно со своите родители и со членовите на бендот „ВардарАнди“ упатија топла празнична порака за Божиќ и ја испеаја божиќната песна „Вечниот Бог“.

– Честито Рождество Христово! Нека ви донесе здравје, радост, мир и благосостојба во вашиот дом. Со оваа честитка ја споделуваме и песната „Вечниот Бог“. Со љубов – од Јанко, неговиот бенд и неговото семејство – напиша тој покрај објавата.

Видеото со прекрасната изведба на Јанко наиде на голем број позитивни реакции од неговите следбеници на социјалните мрежи.

ВИДЕО | Вљубен во македонскиот фолклор: Колумбиец ја отпеа „Македонско девојче“ и ги воодушеви Македонците