Кандидатот за градоначалник на Тетово Билал Касами ги повика граѓаните на овој град да излезат да гласаат, за, како што рече реализација на проектитете кои ќе им ги подобрат условите за живот во општината.

„Само што го искористив моето демократско право да гласам на овие локални избори. Гласав имајќи ја во предвид иднината на нашите деца, иднината на овој благословен град и благосостојбата на нашето општество. Ве поканувам да го искористиме овој убав ден за што поголема излезност на изборите. Денес зборувате вие со вашиот глас. Искористете го овој момент“ рече Касами.

Покрај тетовци, тој ги повика и сите други граѓани во државата да го искористат своето демократско право и да гласаат за своите градоначалници.

„Граѓаните да излезат и да гласаат зошто локалната власт е најблиска до нивните потреби и со реализација на проектите од локалната власт да работиме за подобрување на нашиот живот и да побарам до крајот на овој изборен ден да заврши сè како што треба и на крај да славиме“, порача Касами.