Пред помалку од една недела нашата позната пејачка Каролина Гочева ни најави нова песна, која беше пријатно изненадување како за нејзините бројни фанови така и за целата македонска јавност.

Изминатиов пандемински период пејачката работела напорно и карантините ги искористила како инспирација за создавање нешто ново. Иако е позната по тоа што приватниот живот го чува далеку од очите на јавноста, сепак, понекогаш знае да нè изненади со по некоја објава на социјалните мрежи.

Денес, на својот официјален јутјуб-канал Гочева ја промовираше својата нова песна со наслов „Идила“, а позитивните реакциите од нејзината верна публика на социјалните мрежи се нижеа една по друга.

На својот инстаграм -профил пејачката напиша:

– Веќе може да ја чуете „Идила“ заедно со Дуке Бојаџиев и Исмаил Лумановски на мојот јутјуб-канал. Се надевам ќе ви се допадне, стои во објавата на Каролина.