Јувентус вечерва против Кремонезе ја запиша најубедливата победа сезонава во Серија А.

„Старата дама“ уште во воведните минути јасно стави до знаење во кој правец ќе се движи натпреварот, откако за само три минути постигна два гола. Во 12. минута Бремер го отвори резултатот, а веќе во 15. минута Дејвид ја удвои предноста на домаќините.

Во 35. минута Јилдиз се најде во центарот на вниманието, најпрво не реализираше пенал, но одбиената топка ја смести во мрежата за водство од 3-0. Иако Кремонезе повремено се обидуваше да создаде закана и да одговори, Јувентус делуваше многу посигурно и поефикасно.

Веднаш на стартот од второто полувреме следуваше нов удар за гостите, кога Терачиано несреќно си постигна автогол за 4-0. Конечните 5-0 беа поставени во 64. минута, кога Мекени ја заокружи убедливата победа.

До крајот на мечот Јувентус создаде уште неколку изгледни шанси, но резултатот остана непроменет.