Тироидната жлезда е најголемата ендокрина жлезда во човечкото тело и е одговорна за активноста на клетките во организмот. Се наоѓа во вратот под гркланот. Тироидните хормони влијаат на енергијата, размената на јаглехидрати и масти, циркулацијата на крвта, дигестивниот тракт, нервите, мускулите и психата.

Оваа жлезда е главниот регулатор во човечкото тело и од исклучително значење е да функционира добро. Јогата ни помага во тоа, особено позицијата на зајак .

Позицијата на зајак е одлична позиција да се подготвите за влегување во позицијата – стој на глава. Оваа позиција е наменета за луѓе кои имаат слаби мускули на вратот и рамената. Како јога – поза, покрај тоа што врши притисок врз тироидната жлезда и овозможува нејзино правилно функционирање, може да помогне и во борбата против депресија, несоница и затнат нос.

– Во оваа позиција влегуваме клекнувајќи на подот со дланките поставени на подлогата покрај колената.
– Тогаш го спуштаме челото кон килимот и ги фаќаме потпетиците со рацете.
– Ги креваме колковите и ги превртуваме челото додека не го допреме подот со скалпот.
– Ги туркаме колковите што е можно повисоко, а грбот што е можно подалеку од нозете.

Луѓето кои имале повреди на грбот, рамената и вратот треба да бидат претпазливи при изведување на оваа поза.