Нов етички кодекс на УКИМ беше споделен на јавна расправа на факултетите и научните институции кои можеа и дадоа свои видувања на нормите и кодексот се со цел збогатување на содржините на истиот, а во насока на добивање еден морално-правен кој го регулира однесувањето на наставниците, студентите и на вработените во админстрацијата, изјави во Утрински брифинг ректорот на УКИМ, Никола Јанкуловски.

Целта на Етичкиот кодекс на Универзитетот е зачувување на достоинството на професијата, зачувување на достоинството, угледот и интегритетот на личноста, како и зачувување на угледот и интегритетот на Универзитетот со сите негови едници. Овој Етички кодекс треба да ја обезбеди и потврди вистиноста на инфорамациите кои се изнесуваат во јавноста. Сите ние се залагаме за вистинито информирање, каде сите знаме дека е добро да се слушнат двете страни и не смееме да си дозволиме да се изнесуваат невистини во јавноста.

-Доколку внимателно се анализираат одредбите на Етичкиот кодекс може да заклучиме дека истиот не е репресивен, туку има одредби од превентивен и етички карактер. Со овој Кодекс се обидовме да ги регулираме сите можни повреди кои настануваат – плагијат, мито, корупција, сексуално вознемирување. Воопшто не се нарушува слободата на научната мисла и говор на наставниот кадар, туку едноставно се канализира во академскиот речник кој постои на УКИМ, вели Никола Јанкуловски.

Целиот разговор погледнете го во видеото: