Израелски резервист со возило удри Палестинец кој се молеше покрај патот во окупираниот Западен Брег во четвртокот, откако претходно испукал неколку куршуми, соопшти израелската војска, а снимката од инцидентот се прошири на социјалните мрежи, објави Ројтерс.

„Добивме снимка на вооружено лице кое прегазило Палестинец“, наведува војската, додавајќи дека резервистот постапил „во сериозна повреда на своите овластувања“ и дека му била одземена оружјето. Тој во моментов е во куќен притвор.

Палестинецот бил однесен во болница за проверки, но не е повреден и сега е дома. Снимката која се емитуваше на палестинска телевизија покажува човек во цивилна облека со оружје на рамо како го удри Палестинецот.

Според податоци на Обединетите нации, оваа година беше една од најнасилните за напади на израелски цивили врз Палестинци во Западниот Брег, со повеќе од 750 повредени. Меѓу 7 октомври 2023 и 17 октомври 2025, над 1.000 Палестинци биле убиени, претежно во операции на безбедносните сили, а 57 Израелци во палестински напади