ВИДЕО: Изненадување на УС Опен, „новиот Надал“ го елиминираше Стефанос Циципас
Шпанскиот тенисер, Карлос Алказар, го приреди најголемиот шок во Њујорк, откако со 3:2 во сетови го совлада еден од фаворитите за титулата на грен слем турнирот, Стефанос Циципас од Грција.
Еден возбудлив меч на „УС Опен“ донесе големо изненадување, 18-годишниот Алказар со резултат 6:3, 4:6, 7:6 (2), 0:6, 7:6 (5) го елиминираше третиот носител на турнирот.
Негов противник во осминафиналето ќе биде германскиот натпреварувач Питер Гојевчук. За четвртфинале ќе играат Ботик Ван Де Зандшулп од Холандија и Диего Себастијан Шварцман (Аргентина).
Елиминација доживеа и петтиот носител Андреј Рубљов, Русинот е поразен од Американецот Френсис Тијафо со 6:4, 3:6, 6:7 (6), 6:4, 1:6.
Ривал на Тијафо во следната фаза ќе биде Канаѓанецот Феликс Ожер-Алијасим кој со 6:3, 6:4, 4:6, 3:6 и 6:3 беше подобар од Шпанецот Роберто Баутиста-Агут.
Останатите осминафинални мечеви ќе ги дознаеме по дуелите Ѓоковиќ – Нишикори, Карацев – Бруксбај, Сепи – Оте и Ивашка – Беретини.
И во женска конкуренција се познати четири осминафинални парови: Мертенс – Сабаленка, Крејчикова – Мугуруза, Кербер – Фернандез и Свитолина – Халеп. 16 носителка Анѓелик Кербер од Германија со пресврт 2:1 триумфираше против Слоан Стивенс од САД, 5:7, 6:2 и 6:3.