Националните предупредувања за вонредна состојба се огласија за време на пренос во живо на Ал Џезира, само неколку моменти пред да се слушнат експлозии во главниот град на Катар, Доха.

Алармот беше активиран додека ирански ракети, насочени кон американски интереси во земјата, беа успешно пресретнати.

„Подготвени сме за… Ова е алармот, инаку, што сите го добиваме на телефоните овде во Доха кога има итност. И така, националниот систем за итно алармирање се активираше овде во Катар. Министерството за одбрана во Катар предмалку објави дека иранска ракета е пресретната тука во Катар, предупредувајќи ги граѓаните да се скријат. Ајде да го повикаме Алан Фишер од Вашингтон, ДЦ. Извинете, има малку хаос во редакцијата, како што можете да замислите, бидејќи ова се случува и тука во Катар, нашите системи за итни случаи се активираат“, изјави водителката.

 

View this post on Instagram

 

A post shared by SLOBODENPECAT.MK (@slobodenpecat.mk)