15 C
Скопје

ВИДЕО: Иле е буден и добро закрепнува – во него чука срцето на Верица, хирурзите спасија три животи

22- годишниот Иле Стрезовски во чии гради денеска беше трансплантирано срцето на починатиот донор Верица Белчовска е буден и контактибилен, сите параметри му се добри, соопшти кардиохирургот д-р Сашко Јовев кој заедно со својот тим и со тимот од Клиниката Жан Митрев ја изврши оваа сложена трансплантација на срце.

Семејството на Иле изрази благодарност до семејството на 20-годишната Верица Белчовска и до лекарите кои го спасија неговиот живот.

Како што нагласи министерот Венко Филипче за Иле единствена шанса за живот била трансплантација на срце зошто неговото било со терминална срцева слабост, а тоа го потврди и врвниот кардиохирург Жан Митрев кој рече дека на оваа операција бил во улога на асистент.

Лекарскиот тим кој денеска изврши две трансплантации на бубрези кај 27-годишен пациент како и 40-годишен соопшти дека и кај нив состојбата е стабилна.

Д-р Дохчев кој заедно со д-р Ставридис од Универзитетската клиника за Урологија ја извршија трансплантацијата на бубрезите соопшти дека вториот бубрег од донорот бил со вродена аномалија но успеале да ја завршат трансплантацијата и кај вториот пациент.

Деновиве експлантираното меко ткиво и коските од починатата пациентка ќе бидат донирани пред се кај пациенти оперирани од метастази на коските и други карциономи, рече министерот Венко Филипче кој уште еднаш се заблагодари до семејството на Верица Белчовска кое во својот најтежок момент на загуба и шок одлучи со донација на органите да спаси повеќе човечки животи.

20-годишната Верица Белчовска го загуби животот во сообраќајна несреќа во Струмица каде се преселила од родното Берово заедно со својата мајка и сестра во потрага по подобар живот.

Сакаме да спасиме животи, вели братот на девојката чии органи беа дарувани

Верче ја удрил млад возач на пешачки премин во Струмица

Бубрезите од донорот на срцето ќе се трансплантираат денеска, коските во наредните денови

Поврзани вести

Нова скандалозна порно-група со слики и видеа: На Телеграм се појави „Перверзии на Балканот“

Слободен печат

Лајчак: Несомнено за Косово, успех во дијалогот значи да се стане земја кандидат за ЕУ

Слободен печат

Германија, Шпанија и Франција заедно ќе развијат нов борбен авион

Слободен печат

Регионален ковид-19 пресек: Мал пад на бројот на нови инфекции

Слободен печат

Бугарски брачен пар заврши зад решетки во Германија: Продавале новороденчиња во Грција

Слободен печат

Маск: Старлник услугата ја нарачаа половина милион луѓе

Слободен печат

Остави Коментар