ВИДЕО: ИХФ импресиониран од Томовски, нека биде така и против Данска!
Денеска Меѓународната ракометна федерација преку социјалните мрежи објави три имиња кои блескаа на Светското првенство во Египет кога станува збор за одбранети пенали.
Помеѓу нив е и македонскиот репрезентативен чувар на мрежата, Мартин Томовски кој имаше вкупно пет одбранети седмерци. Повеќе од нашиот голман севкупно на Мундијалот имаа само Јасине Идриси од Мароко (осум одбранети пенали) и Норвежанецот Кристинан Саеверас (шест).
Иако процентуално, Томовски е на четвртото место на СП (42%) зад Луис Алмеида, Шего и Халгримсон, ИХФ ги одвои тројцата голмани со најмногу одбранети пенали не сметајќи ги противничките обиди.
Penalty killers at #Egypt2021 ?
Yassine Idrissi ?? Eight saves
Kristian Saeveras ?? Six saves
Martin Tomovski ?? Five saves#bestofhandball @NORhandball pic.twitter.com/GjIuBUzBXu— International Handball Federation (@ihf_info) March 10, 2021
ИХФ ги дефинираше овие тројца голмани како „убијци на пеналџии“, а нивните перформанси можете да ги погледнете на видео записот..
23-годишниот Томовски пред да се пресели во германскиот клуб Лудвигсхафен, ги бранеше боите на скопски Металург. Воедно Томовски е меѓу повиканите од селекторот Кирил Лазаров за претстојните два натпревари од квалификациите за Европското првенство против актуелниот светски шампион Данска.