Женскиот хор „Братствa и детињствa“, кој е оформен и функционира во Стокхолм, Шведска, на еден од своите концерти ја изведе песната „Скопје“ од македонската рок група „Леб и сол“. Видеото од настапот беше споделено на социјалните мрежи, а изведбата наиде на позитивни реакции.

Хорот е формиран пред неколку години по иницијатива на српската пејачка и композиторка Кристина Ковач, која живее во Шведска. Таа е ќерка на композиторот Корнелије Ковач.

Во ансамблот членуваат 52 лица – 51 жена од различни националности и еден маж. Повеќето членки се на возраст меѓу 40 и 50 години.

„Братствa и детињствa“ досега има реализирано повеќе концерти во Шведска, а во тек се и аудиции за прием на нови членки.

Репертоарот им опфаќа песни од различни жанрови и јазици, вклучително и композиции од музичкото наследство на просторот на поранешна Југославија.

Во едно од своите интервјуа, Ковач откри дека името на хорот го предложил македонскиот новинар Иван Бечковиќ, нејзин долгогодишен пријател и соработник. Називот, според неа, симболизира поврзување на луѓе од различни култури преку музиката.

Влатко Стефановски ја доби престижната награда „Порин“ за посебен придонес во хрватската музика