ВИДЕО: Ѓоковиќ со еден одговор ги воодушеви и оние кои не го сакаат

Новак Ѓоковиќ, еден од најдобрите светски тенисери/фото: EPA-EFE/TOLGA AKMEN

Вниманието на тениските фанови ширум светот е насочено кон Лондон, каде ќе се одржи „Лејвер купот“ каде што „големата четворка“ ќе игра во ист тим, а крајот на професионалната кариера на Рожер Федерер предизвика општ хаос во главниот град на Велика Британија.

Најдобрите тенисери во светот на сите времиња тренираат заедно, се дружат, одат на вечери и уживаат во целост.

Медиумските куќи кои добија право да известуваат од големиот настан добија можност да снимаат интересни изјави, а една од Новак Ѓоковиќ предизвика многу позитивни реакции на социјалните мрежи.

Српскиот ас беше запрашан како би изгледал идеален тенисер составен од карактеристиките на големата четворка: Рожер Федерер, Рафаел Надал, Енди Мареј и Новак Ѓоковиќ.

– Би ја земал силата на Рафа, физичката и психичката, сервисот и форхендот на Рожер, и одбраната на Енди Мареј и неговиот ритерн. Јас нема да се ставам себе во тој микс, мислам дека таков играч е веќе доста добар – низ насмевка изјави Ѓоковиќ пред камерите на „Еуроспорт“.

ВИДЕО: Најсилниот тренинг на светот – 66 грен слем титули на теренот

Видео на денот