Шумската полиција и шумари од Јавното претпријатие „Национални шуми“, денеска фатија група дрвокрадци кои, според заменик-директорот на ЈП Кире Михаилов подолго време ги пустошеле шумите на планината Плачковица во околината на Радовиш.

Тој објави и снимка од акцијата во која, по филмска бркотница во снегот, полицајците вооружени со автоматско оружје ги уапсиле дрвокрадците. Кај нив се најдени моторна пила и други алати, а запленети им се две коли. Михаилов не открива колкумина се уапсени во денешната акција.

„Конечно на лице место фатени дрвокрадци кои пустошат на радовишка Плачковица. Заедно со Шумската полиција од ПС Скопје денеска на лице место фативме дрвокрадци кои изминатиов период правеа партал во Радовишко. Сторителите се идентификувани и против нив веднаш ќе бидат поднесени кривични пријави“, вели Михаилов во објавата и порачува дека во борбата против нелегалната сеча „нема да има недопирливи“.

Шумари заплениле комбе од дрвокрадци, судот им го вратил, па шумарите пак го фатиле при кражба