Илјадници граѓани од Албанија денеска преку граничниот премин „Ќафасан“ влегле во Македонија да набават поевтина храна и гориво по глобалниот ценовен шок предизвикан од војната во Иран, објави „Еуроњуз Албанија“.

Извештаите од терен говорат дека на граѓаните им биле потребни и над два часа за да ја поминат границата. Слична слика на масовен премин заради поевтини производи е забележана и на албанско-грчката граница кај Какавија.

Премиерот Христијан Мицкоски денеска категорично ги отфрли шпекулациите за воведување рестрикции или ограничување на количината на гориво која може да се наточи.

Во моментот немаме никакви индиции дека од аспект на волумен би имало потреба од ограничување, за разлика што тоа го направија некои земји – членки на Европската Унија. И не само што тоа не го правиме, туку и голем дел од граѓаните од нашите соседи доаѓаат кај нас и ги танкираат резервоарите, односно своите возила, изјави Мицкоски.

Видео – Еуроњуз Албанија