ВИДЕО | Емотивно збогување: Илјадници луѓе ширум светот вчера му оддадоа почит на Халид Бешлиќ
Вчера во бројни градови ширум светот се одржаа собири во чест на легендарниот пејач Халид Бешлиќ, кој почина на 7 октомври, на 71-годишна возраст.
Препорачано
Љубителите на неговата музика се собраа во речиси сто градови, од Балканот до прекуокеанските земји, со иста порака – благодарност за гласот кој ги обедини генерациите и ги спои луѓето без разлика на вера, нација и јазик.
Во Босна и Херцеговина граѓаните се собраа во дваесетина градови и места – од Сараево и Бања Лука, до Бихаќ и Мостар. Во Хрватска собирите започнаа во 17 часот – во Загреб на Зринјевац, а истовремено и во Риека, Осиек, Пореч и Сисак.
Честа на големиот пејач му ја оддадоа и во Словенија (Љубљана, Копер), Црна Гора (Подгорица, Тиват, Херцег Нови), Србија (Белград, Суботица, Нови Пазар, Зрењанин, Пријепоље, Вршац), како и во бројни европски и прекуокеански градови – Франкфурт, Минхен, Берлин, Виена, Цирих, Париз, Хелсинборг, па сè до Канада, САД, Катар и Австралија.
