ВИДЕО: Експлозија во центарот на Абу Даби
Синоќа во Абу Даби, Обединетите Арапски Емирати се случила силна експлозија на плинска боца во една од зградите во центарот на градот.
Препорачано
Пожарот што избувнал бил изгаснат многу брзо и немало човечки жртви, јави државната новинска агенција.
Дел од меѓународните медиуми јавија за „експлозиите“ во Абу Даби, додека на Твитер беше објавено видео од инцидентот, на кое се гледа моментот на експлозијата и избувнувањето на пожарот на зградата.
Страв од можен напад на Хуту
Инцидентот предизвика страв од можен напад на јеменските бунтовници Хуту, одговорни за нападот со беспилотно летало врз нафтените постројки во главниот град на ОАЕ во јануари, што резултираше со тројца мртви.
Во последните недели, Емиратите спречија други ракетни напади насочени кон земјата.
Властите нагласија дека сите дежурни екипи се справуваат со ситуацијата и ја повикаа јавноста „да ги следи вестите на официјалните власти на Обединетите Арапски Емирати и да избегнува ширење гласини и лажни информации“.
