Најмалку 15 луѓе загинаа денеска, а 200 се повредени по експлозија во деловна зграда во главниот град на Бангладеш, Дака, соопштија претставници на службата за противпожарна заштита.

Експлозијата се случила во петкатница во близина на централната област Гулистан во градот со над 10 милиони жители.

At least 15 dead, 108 injured in blast in #Dhaka. Bomb disposal squad on spot to find cause of blast. 11 fire engines deployed to rescue injured. Blast apparently on 3rd floor of 55-storey building full of shops and bank branches in crowded Gulistan area. #Bangladesh #BREAKING pic.twitter.com/h1wJIlUbbx

— Monideepa Banerjie (@Monideepa62) March 7, 2023

Според Дин Мони Шарма, официјален претставник на службата за противпожарна заштита и службата за цивилна одбрана, се уште не се познати причините за експлозијата. Според полицијата, нема првични индиции за терористички напад.

„Повредените во експлозијата се пренесени на лекување во блиската болница во Медицинскиот колеџ во Дака“, изјави началникот на болницата, Назмул Хаке.

Експлозијата предизвикала штета и на неколку соседни згради. Најмалку 11 пожарникарски тимови работат на местото на експлозијата во прометната област во Дака, соопштија надлежните.