Џон Малкович официјално стана хрватски државјанин, а веста ја соопшти потпретседателот на Владата и министер за внатрешни работи на Хрватска, Давор Божиновиќ.

Тој на социјалните мрежи објави дека на славниот американски актер лично му го врачил решението за стекнување хрватско државјанство, за време на „кратка, но важна церемонија“.

„Светски познатиот актер, кој остави силен печат во кинематографијата со бројни улоги, презеде нова улога и стана хрватски државјанин“, напиша Божиновиќ, додавајќи: „Честитки и добре дојде.“

Danas smo u kratkoj, ali važnoj ceremoniji, uručili rješenje o hrvatskom državljanstvu Johnu Malkovichu. Svjetski poznati glumac, koji je obilježio kinematografiju brojnim ulogama, preuzeo je novu ulogu i postao hrvatski državljanin.

Čestitam i dobrodošli. 🎭 🇭🇷 pic.twitter.com/MuduIl4y1a

— Davor Božinović (@DavorBozinovic) May 5, 2026

Малкович деновиве престојуваше во Загреб, каде беше примен и од хрватскиот премиер Андреј Пленковиќ во Бански Двори.

„Долгата кариера и уметничкиот успех на Џон Малкович се голема инспирација за помладите генерации и драго ни е што со гордост ги негува своите хрватски корени“, изјави Пленковиќ.

За време на средбата, разговарале за хрватската култура, туризмот, спортот и бизнисот.

Малкович е еден од најценетите американски актери и во текот на кариерата има одиграно повеќе од 70 филмски улоги, меѓу кои во „Полиња на смртта“ (The Killing Fields), „Империја на сонцето“ (Empire of the Sun), „Опасни врски“ (Dangerous Liaisons), „Во линијата на огнот“ (In the Line of Fire) и „Да се биде Џон Малкович“ (Being John Malkovich).

Двапати бил номиниран за Оскар, а трипати за Златен глобус.

Неговите прадедо и прабаба емигрирале во САД од градот Озaљ, во Карловачката жупанија, а актерот во повеќе наврати престојувал во Хрватска – и приватно и професионално, гостувајќи со театарски претстави.

ФОТО | Џон Малкович во Скопје уживаше во црвено вино и доби подарок