Поп-ѕвездата Џастин Бибер приреди вистински спектакл на вториот викенд од фестивалот „Коачела“, носејќи на сцената неколку големи имиња.

Во текот на настапот, тој изведе дел од своите најпознати песни, а публиката особено ја воодушеви кога ѝ се придружи Били Ајлиш. Таа се качи на сцената додека Бибер ја пееше „One Less Lonely Girl“, песна со која се врати во раните денови од својата кариера.

Ајлиш, која често го истакнува Бибер како своја инспирација, седеше на стол додека тој ѝ ја пееше песната, создавајќи емотивен момент пред илјадниците присутни.

@voguetw #JustinBieber 小賈斯汀 #Coachella 第二週舞台演唱〈One Less Lonely Girl〉時，#BillieEilish ♬ original sound – Vogue Taiwan

Кон крајот на настапот, на сцената се појави и Сиза, со која Бибер ја изведе песната „Snooze“. Двајцата веќе имаат заеднички настапи зад себе, меѓу кои и концерт во Лос Анџелес минатата година.

За време на шоуто, Бибер настапи и со други гости, меѓу кои Секси Ред и Биг Шон, со кои ги изведе „Sweet Spot“, „As Long As You Love Me“ и „No Pressure“.

Посебен дел од концертот беше посветен на неговите почетоци, кога Бибер прикажуваше стари видеа и настапи од времето кога се прослави на Јутјуб, вклучувајќи и изведби на песната „Cry Me a River“ од Џастин Тимберлејк.

Настапот беше во голема мера носталгичен, комбинирајќи стари хитови и нов материјал, со што Бибер го затвори вториот викенд на фестивалот.

Инаку, по настапите на „Коачела“, се погласни се шпекулациите дека пејачот подготвува нова турнеја, откако на неговата официјална страница се појави најава за претстојни концертни датуми.

ВИДЕО | Колку пари добил Џастин Бибер за настапот на „Коачела“, прогласен за „најлош во историјата“?