Ненад Димитријевиќ повторно се врати на евролигашката сцена и веднаш остави солиден впечаток во дресот на Баерн Минхен, одигрувајќи добар натпревар против Басконија.

Македонскиот плејмејкер дебитираше за баварскиот гигант помалку од 48 часа по официјализирањето на трансферот од Зенит.По мечот, Димитријевиќ не го криеше задоволството од прикажаното и од убедливата победа, која во голема мера беше дело на феноменалниот Енди Обст, стрелец на рекордни 37 поени.

„Минатата сезона играв тука како гостин, а чувството е сосема поинакво кога публиката е на твоја страна. Фокусиран сум на иднината и нормално дека сум пресреќен поради победата. Во второто полувреме одигравме поагресивно, ги контролиравме нивните офанзивни скокови, а кога во тимот имаш шутер како Обст, сè е полесно. Неговиот квалитет е добро познат и за мене, како плејмејкер, тоа значи повеќе асистенции. Сè уште сум кратко време тука, имав само еден тренинг и ќе морам брзо да се вклопам, но верувам дека можам уште подобро. Моја цел е да му помогнам на тимот и да донесам нова енергија, а многу ми значи довербата и слободата што ми ја дава тренерот Пешиќ“, истакна Димитријевиќ.

Димитријевиќ на паркетот помина повеќе од 17 минути во кои успеа да постигна осум поени и да додаде уште три скока и четири асистенции. На паркетот помина повеќе од 17 минути во кои успеа да постигна осум поени и да додаде уште три скока и четири асистенции.

🚨 HIGHLIGHT-ALERT! 🚨

Wenyen Gabriel skies for the big oop, 01/07/2026

Watch all @EuroLeague games on #MagentaSport!#FCBB #WeBallTogether pic.twitter.com/WUoC9UJU0j

— FC Bayern Basketball (@FCBBasketball) January 7, 2026