Им честитам на сите коишто се пласираа во вториот круг. Верувам дека денеска и Куманово и Македонија ќе победат на еден демократски начин, порача кандидатот за градоначалник на Куманово, Максим Димитриевски.

„Општините и градот Скопје да ги изберат своите идни градоначалници, а што се однесува до Куманово, денес е прекрасен ден за гласање. Очекувам солиден одзив нешто слично како и во првиот изборен круг, а што се однесува до волјата на граѓаните, ќе ја видиме вечерва кога ќе се отворат гласачките кутии.

Јас како актуелен градоначалник во оваа прилика само ќе апелирам дека на Куманово и на Македонија им е потребна слога, соживот, разбирање и да продолжи во континуитет да се развива, бидејќи нашиот град тоа го заслужува“, изјави Димитриевски.